L’iniziativa per il repatriament effectiv da la partida populara han ils delegads da la PLD refusà cleramain cun 263 cunter 8 vuschs. Era decis da refusar ha la PLD l'iniziativa «nagina speculaziun cun mangiativas» da las partidas sanestras ed da pliras ovras caritativas. Perencunter dian ils liberaldemocrats gea al segund tunnel dal Gottard.
La partida verda refusa 3 da las quatter fatschentas
Sulet l'iniziativa che vul impedir la speculaziun cun mangiativas ha chattà ina maioritad dals delegads da la partida verda. Per l'iniziativa per il repatriament effectiv da la PPS, per l'iniziativa da la PCD «Per la lètg e la famiglia - na als dischavantatgs per pèrs maridads» e per in segund tunnel dal Gottard han ils delegads dals Verds decidì la parola NA. Vitiers ha la partida lantschà la campagna per in'iniziativa «economia verda».
RR novitads 15:00/16:00