Il cumbat cunter persunas che emprovan da zuppar lur facultad da las impostas cuntinuescha. La confederaziun ha surdat 10millis da dossiers cun infurmaziuns da taglia als chantuns. Da controllar quels dossiers pudess durar mais sche na onns. Ils dossiers resultan tranter auter or dal barat automatic d’infurmaziuns. Dapli october da l’onn passà baratta la Svizra automaticamain infurmaziuns da contos da finanzas cun 89 auters pajais. Fin l’onn 2021 dessan vegnir tiers anc 18 ulteriurs pajais.
Gia ordavant èn sa denunziadas millis da persunas tgi han zuppà lur possess. Fin la fin da settember da l’onn passà han contos na declerads pudì vegnir annunziads senza che i ha dà in chasti.
RR novitads 17:00