Legenda:
Cunzunt èn las relaziuns tar la forza idraulica stadas bunas.
Keystone
cuntegn
Svizra - 14% dapli electricitad ord forza regenerabla
Las ovras electricas da la citad da Turitg EWZ han producì il 2014 dapli electricitad ord forza regenerabla. L'augment da l'electricitad munta a 14% sin uss circa 3’000 uras gigawat.
Sco l’EWZ scriva, saja l’augment tar las forzas regenerablas d’attribuir a las relaziuns idealas per producir forza idraulica. Era haja l’interpresa pudì augmentar la forza electrica da vent cun metter en funcziun in implant da vent en Frantscha.
Dapli rendita
La rendita totala da l’EWZ munta il 2014 a circa 800 milliuns francs, quai è in augment per circa 35 milliuns francs en cumparegliaziun cun l’onn avant.
