Siglir tar il cuntegn
lavurers che remplazzan in binari da viafier
Legenda: Tenor il Cussegl federal dovri dapli daners per manetgnair l'infrastructura da viafier. Keystone

Svizra 13 milliardas francs per l'infrastructura da viafier

Ils proxims quatter onns vul il Cussegl federal investir 13,2 milliardas francs en l'infrastructura da viafier. Quai èn radund 2,3 milliardas francs dapli che per la perioda actuala.

Ils daners supplementars vegnian duvrads per pudair mantegnair l'infrastructura. Uschia tegnia il Cussegl federal quint a l'augment dal traffic, hai num en ina communicaziun. Cun ils daners or dal nov fondo per l'infrastructura da viafier vegnan cuverts ils custs che surpassan las entradas dals pretschs da trassé.

La gronda part da la petta survegnan las Viafiers federalas cun 7,6 milliardas francs. Ulteriuras 4,9 milliardas èn previsas per las viafiers privatas. Da quellas survegn la Viafier retica 860 milliuns francs.

RR novitads 12:00/actualitad saira 17:00

Artitgels legids il pli savens