Legenda:
La Posta ha gì in onn cun bleras turbulenzas, sur tut pervi da l'affera da l'AutoDaPosta SA.
Keystone
cuntegn
Svizra - 122 milliuns pli pauc gudogn per la Posta
L'onn passà ha la Posta fatg 122 milliuns pli pauc gudogn ch'il 2017. Tenor il president dal cussegl d'administraziun, Urs Schwaller èn las raschuns principalas las rectificaziuns pervi da l'affera d'AutoDaPosta e las entradas massiv pli bassas da la Postfinance.
Il 2018 ha il concern fatg in gudogn da 405 milliuns francs, scriva la Posta. Quai èn 122 milliuns pli pauc che l'onn avant. Ina raschun è la Postfinance che ha gì massiv pli pauc retgav. Quel è sa sminuì per 549 milliuns sin 220 milliuns francs.
Tar ils pajaments pertutgant l'affera d'AutoDaPosta haja il concern ademplì sias empermischuns, ha ditg Schwaller. Quai che giaschia en la responsabladad da la Posta, saja vegnì fatg e la chaussa sajan cun quai liquidada ord vista da la Posta. Anc en gir è il process giuridic da l'affera.
