Fin oz èn radund 100'000 trens charrads tras il nov tunnel dal Gottard. Il manaschi dal tunnel funcziunia tenor plan, stabil e segir, communitgeschan las Viafiers federalas Svizras. En in di da lavur normal charreschian tranter 130 e 160 trens tras il tunnel, dus terzs da quai èn trens da vitgira ed in terz èn trens da persunas dal traffic naziunal ed internaziunal. Intginas giadas haja dà disturbis u vid ils trens u vid ils implants en il tunnel uschia ch'il traffic haja stuì vegnir svià sur la ruta da panorama.
RR novitads 17:00