Tar il suvegliader da pretschs svizzer hai dà l'onn passà usché bleras reclamaziuns sco dapi passa 10 onns betg pli. Tut en tut sajan arrivadas tar el passa 2'700 reclamaziuns, di il suvegliader da pretschs Stefan Meierhans en in'intervista. Tant persunas privatas sco er interpresas pitschnas u mesaunas èn s'adressadas ad el. Bleras persunas fetschian quitads pervia dals auts pretschs da bigliets tar il traffic public. Pendularis, ma era persunas pensiunadas che giajan a far cumissiuns cun il bus u il tren, sajan dependentas dal traffic public, uschia Meierhans.
Firmas pitschnas patteschan sut interpresas statalas
En l'economia procuran cunzunt las tariffas autas da la posta per malcuntentientscha. Da questas tariffas autas patteschan cunzunt firmas pitschnas en regiuns ruralas che na survegnan nagins rabats individuals pli. Firmas pitschnas patteschian là sut in concern che tutga tar 100 pertschient al stadi. Sche precis las interpresas dal stadi na sajan nagin bun exemel per la populaziun stoppia quai dar da ponderar – crititgescha il survegliader da pretschs.
Or da l'archiv:
Betg be las tariffas da la posta e dal traffic public èn creschids, mabain era ils pretschs d'energia.
