Il chancelier federal Walter Thurnherr sa retira. Quai ha l'um da 60 onns communitgà oz ad ina conferenza da medias. El è stà dapi l'entschatta dal 2016 en uffizi. Il chancelier federal vala prest sco otgavel cusseglier federal. Bain n'ha el betg in dretg da vuschar, è dentant preschent da mintga sesida dal Cussegl federal.
Sia successiun vegn reglada ils 13 da december – il medem di sco il successur u la successura dad Alain Berset vegn elegì. Thurnherr appartegna a l'Allianza dal Center che vegn en in tschert senn cumpensada perquai ch'ella ha mo pli in sez en il Cussegl federal.
En il public ha Thurnherr surtut creà in num cun pleds retoricamain buns. Politicamain è el s’occupà ils onns passads tranter auter cun l'elavuraziun da la crisa da corona, cun la digitalisaziun da l’administraziun federala e cun il dossier da la votaziun electronica.
