Il lockdown maina tar in nov cumportament da consum en Svizra. Ils restaurants èn serrads, Take-Awys vegnan, sche pussaivel evitads, persuenter vegn cuschinà dapli a chasa. Cuschinar cun verdura frestga para dad esser adina pli impurtant per Svizras e Svizzers.
Dapli verdura frestga
Actualmain vendan las butias tranter 20 e 30% dapli verdura stima l’uniun dals martgadants da verdura, fritga e tartuffels. Blers furniturs da verdura hajan adattà lur plans da lavur per pudair satisfar la dumonda, scriva la «NZZ am Sonntag».
Il nov cumportament da cuschinar ha era effects sin paginas d’internet che offran recepts. La collecziun da recepts da Swissmilk per exempel ha registrà il mars il dubel uschè blers utilisaders ch’il medem temp da l’onn avant.