Ils fans dals Young Boys na dastgan betg visitar ils 20 da schaner 2024 il gieu da lur club cunter ils Grasshoppers. Questa mesira è la consequenza da donns e smanatschas tras fans dals Young Boys a Turitg la sonda passada. La sonda han fans dad YB donnegià bus publics ed autos da polizia. In manischunz da bus saja perfin vegnì smanatschà cun la mort.
En ina communicaziun valitescha il club bernais la mesira sco betg buna per cuntanscher la finamira. Ils eveniments ha la Conferenza dals directurs e las directuras chantunals da polizia descrit envers Keystone-SDA.