Il traffic public en las citads na vegn strusch impedì da las zonas da tempo 30. A questa conclusiun vegn in studi per incumbensa dal VCS, l'Associaziun da traffic ed ambient. Tenor quest studi na curseschian bus e trams betg bler pli plaun che tar tempo 50. Sin 100 meters vegnan quintads 1,5 secundas dapli temp da viadi cun tempo 30. Quai valia surtut en zonas fitg populadas e da temp da grond traffic, precisescha il studi. I saja be ina chaussa da secundas.
Per las passagieras ed ils passagiers n’èn quests temps da viadi lev prolungads betg ina restricziun, uschè ditg ch’ils uraris vegnan adattads e ch'il temp da midar colliaziun restan garantids.
Sche l’urari na sa lascha betg tegnair en en cas specials cun mesiras da planisaziun, dovri in’adattaziun cun persunal e vehichels supplementars. Quellas adattaziuns chaschunian custs supplementars, sco i ha num vinavant.
