En Svizra ha mintga 7avel mortori da far cun il fimar e tar mintga segund delict gioga l'alcohol ina rolla. Tenor in studi da l'Uffizi federal da sanadad chaschuna dependenza mintg'onn custs da 7,7 milliardas francs a l'economia publica. Questa cifra sa basia sin calculaziuns conservativas.
Il tubac è cun 3,9 milliardas francs lunsch ora il pli grond factur da custs. Sin plaz dus suonda l'acohol cun radund 2,8 milliardas francs. Il rest sa reparta sin drogas illegalas e dependenza da giugar cun daners. Ils custs vegnan da differents facturs. Per l'ina causescha dependenza custs da sanadad sco visitas da medi, ospitalisaziuns u medicaments. Ulteriurs custs datti dentant er cun la persecuziun da delicts en connex cun dependenza.
Tenor l'Uffizi federal mussan quests custs ch'i stoppia vegnir agì tar la prevenziun da depentenza, per uschia reducir il dumber da persunas cun ina dependenza.