Ina persuna cun strucca da fain tira la curta, adina sch'ella vegn en contact cun pollen. Perquai è l'emprima via da viver cun l'allergia: evitar pollen.
- Far la duscha suenter ina spassegiada e lavar il resti. Laschar sientar quel en l'abitaziun enstagl ordaifer: tut per purtar uschè pauc pollen sco pussibel en chasa. Plinavant datti giatters da fanestras cunter pollen.
- Egliers tegnan davent pollen dals egls, ed cremas da nas pon er proteger la mucosa dal nas.
- Spetgar sin la saira per ir ordaifer (sch'ins abita en la champagna, en la citad èsi il cuntrari), u suenter ch'i ha pluvì. Dar in'egliada sin l'app da pollen.
Cunter il pollen ch'ins n'ha betg pudì evitar, gida:
- Derschentar il nas cun aua da sal. Fegls da menta en bavrondas, u satgets da té da menta umidifitgads sin ils egls. Ieli da puletg nair (tudestg: Kreuzkümmel) cunter inflammaziuns.
- Vin cotschen, tomatas, chaschiel madir e charn fimentada cuntegnan bler istamin. Istamin po rinforzar ils sintoms. Maila, agl u tschagulas cuntegnan percunter substanzas che mitigeschan ils sintoms. Fimar cigarettas donnegia la pel mucosa e fa perquai er anc mender ils sintoms.
- Terapia cun allergens per desensibilisar.
E per plaschair dar adatg d'ir cun auto: ina ferma allergia po distrair ins sumegliantamain sco alcohol.