La ristga per ina scufla d'immobiglias en Svizra è danovamain ida enavos in zic il segund quartal. La raschun saja tranter auter ch'i dettia damain investiziuns da construcziun e damain dumondas per finanziar la cumpra d'immobiglias da dar en locaziun, uschia ils economs da la banca UBS.
En sia valitaziun fa la banca allusiun che l'uschenumnà UBS Swiss Real Estate Bubble Index saja vinavant signifitgantamain pli bass che durant la scufla d'immobiglias l'entschatta dals onns 90. Dapi mez dal 2020 saja l'index però creschì marcantamain e demussia ch'il martgà d'immobiglias saja cleramain survalità.
