Per las pendicularas grischunas èn las cifras da la stad main bunas cumpareglià cun l'onn passà. Dal matg fin il fanadur han ellas dumbrà 6% damain giasts. E la svieuta da las pendicularas grischunas, cun il transport da persunas è 3% pli bassa ch'il matg fin fanadur dal 2022. Quai communitgescha l'organisaziun Pendicularas Svizras. En l'entira Svizra han las pendicularas nudà plus. Ellas han transportà 9% dapli giasts – e fatg 14% dapli svieuta.
L'analisa da tschintg onns vesia ora bain, scriva Pendicularas Svizra. Cumpareglià cun la media da tschintg onns hajan tut las regiuns – cun excepziun dal Grischun – gì dapli giasts. La svieuta è dentant era en il Grischun creschida per 20%. Guarda sin l'entira Svizra hai da 22% dapli giasts e 35% dapli svieuta.
