Egualitad tar il tema clima. Quai pretendan ils radund 450 activists suenter l'inscunter dal clima a Losanna. En lur decleranza finala din els, che las gruppaziuns che contribueschian il pli pauc a la midada dal clima stoppian patir il pli fitg da las consequenzas.
Latiers duai l'augment da temperatura global vegnir tegnì sut 1,5 grads en cumparegliaziun cun il temp pre-industrial. E sco terz duai la politica dal clima resguardar las meglras lavurs scientificas.
L'inscunter dal clima a Losanna ha durà tschintg dis. Giuvenils da 38 pajais han prendì part. Tranter quels er la giuvna svedaisa, Greta Thunberg.
RR novitads 15:00