Ils 22 d'october elegia la Svizra il Parlament federal. Candidatas e candidats datti tants sco anc mai. Per tegnair la survista datti agids tecnics. Uschia per exempel il questiunari da Smartvote che mussa tge candidatas e candidats che correspundan il pli fitg a l'atgna opiniun.
Smartmap
La smartmap è ina visualisaziun da las respostas da quest questiunari da las singulas politicras e dals singuls politichers. La posiziun politica vegn lura mussada vi da las duas axas sanester-dretg e liberal-conservativ.
Tras quai pon ins congualar las differentas candidatas ed ils differents candidats dad tut ils chantuns: Tgi è pli conservativ? Tgi è pli sanester? Tgi sa posiziunescha il pli lunsch davent dals collegas da l'atgna partida?