Ils proxims set onns duain las medias en Svizra vegnir promovidas cun 120 milliuns francs dapli ch'enfin uss. Latiers na duai la purschida online da la SRG/SSR betg vegnir restrenschida pli fitg. Per reglar las differenzas davart il pachet per la promoziun da las medias svizras è il Cussegl naziunal s'accordà en dus puncts cun il Cussegl dals chantuns. Cun ina davosa differenza va il pachet uss enavos a la conferenza d'intermediaziun.
Il grond cumbat da concurrenza na saja betg pli tranter las medias da print privatas e la SRG/SSR. I sajan cunzunt concerns internaziunals sco Google che concurrian las reclamas da las medias svizras, ha ditg cussegliera federala Simonetta Sommaruga.