Il «littering» è cunzunt là in problem nua che la polizia n'è betg preschenta: per exempel sin sendas da viandar u en il guaud. Intgins chantuns ed era vischnancas enconuschan quai gia. En la vischnanca da Tavau vegnan persunas chastiadas cun 150 francs sch'ellas na prendan betg cun ellas il rument e na dismettan quel betg correctamain. Nov duai in tal chasti er esser pussaivel sin nivel naziunal.
Sper quai duai il Cussegl federal era pudair decider criteris liants per la durada da vita da products e la reparabladad. Perquai ch'il Cussegl naziunal ha il glindesdi dentant anc fatg ina adattaziun vi dal text da la lescha, turna il project anc ina giada enavos en il Cussegl dals chantuns per rectifitgar ina davosa differenza. Quel vegn probabel anc en la sessiun da primavaira a decider en chaussa.
Sin il scumond da bittar davent rument senza attenziun eran las chombras sa cunvegnidas gia la fin dal 2023.
