En ils pajais vischins èn agentas ed agents virtuals en l'internet gia dapi pli ditg en funcziun per ils servetschs secrets. Ussa vul er il servetsch secret da la Confederaziun duvrar questa metoda per vegnir ad infurmaziuns. Quai conferma il servetsch secret envers radio SRF. «En vista a la necessitad da sviluppar sias atgnas abilitads e betg mo esser dependent da las quellas da ses partenaris, è il NDB actualmain londervi da realisar in project per utilisar d’agents virtuals.»
Project vegn surveglià
En il cumbat cunter il terrorissem e l'extremissem haja il servetsch gia profità en plirs cas da la lavur da l'exteriur. L'autoritad da surveglianza independenta davart las acziuns dal servetsch secret vul accumpagnar stretgamain il project e planisescha da far in'examinaziun tar la partenza dal project vers la fin da l'onn.
