Suenter che radund 128'000 suttascripziuns per l'iniziativa «200 francs èn avunda» èn vegnidas inoltradas dals iniziants, ha la chanzlia federala confermà che 126'000 da las 128'000 suttascripziuns inoltradas èn valaivlas. Pia vegnan las Svizras ed ils Svizzers a votar in'ulteriura giada davart la taxa da radio e televisiun.
L'iniziativa vul reducir la Serafe, la taxa da radio e televisiun dad oz 335 francs sin 200 francs. Ultra da quai na duain las interpresas betg pli stuair pajar la taxa.
Sper la SRG/SSR van ils daners da la taxa a televiuns privatas e radios privats. Vi da quai na vul l'iniziativa midar nagut, ed i duai er vinavant dar medem blers daners sco enfin uss.
L'iniziativa che porta er il num «200 francs tonschan» è vegnida lantschada d'exponents da la PPS, dals Giuvens liberals svizzers e da l'Uniun svizra d'artisanadi e mistregn. Gia il 2018 ha il suveran gì da decider davart la taxa da radio e televisiun. L'iniziativa cun num «No billag» è lura vegnida refusada cun 71,6% da las vuschs.
