Be 0,4% da las persunas dumandadas as defineschan sco «betg binaras», quai vul dir sco persunas che na s'identifitgeschan ni cleramain sco feminin ni cleramain sco masculin.
Tar la percepziun subjectiva guardi però or auter. Passa 10% da las persunas dumandadas vesan tant insatge feminin sco insatge mascunlin en sa sezzas. Bun 5% sa sentan pli da strusch a l'autra schlattaina che a l'atgna schlattaina biologica.
Differenzas tranter um e dunna
Savens èn quai dunnas giuvnas che sviluppeschan e represchentan identitads fluidas/betg binaras. Blers umens giuvens percunter sa sentan perquai periclitads en lur identitad e prefereschan clers cunfins tranter um e dunna. Quai che sa mussa er: Umens s'orienteschan pli fitg vi da stereotips che dunnas. Uschia èn umens cun varts femininas, attractivs en ils egls da bleras dunnas.
Il cuntrari, pia dunnas cun varts masculinas, èn però pli pauc attractivas per blers umens. In auter exempel: Umens sa sentan subjectivamain pli masculins sch'els lavuran a temp cumplain. Tar las dunnas na datti nagina connex cun il sentiment d'esser dunna e la lavur.
Per 55% da la populaziun Svizra saja la schlattaina plitost u fitg impurtanta en il maletg da sa sez e per l'atgna identitad. Per stgars 20% n'è la schlattaina plitost u insumma betg impurtanta per il maletg da sa sez.
