En in'intervista cun la gasetta da la Svizra franzosa «Matin Dimanche» punctuescha Maurer che pajais na violeschian betg dretgs umans cun refusar dschihadists che vulan turnar. La dumonda saja plitost la responsabladad.
Tenor stimaziuns da la Crusch Cotschna svizra vivan en la Siria ed en l'Irac var 20 dschihadists svizzers. Avant in onn aveva la ministra da giustia Karin Keller-Sutter exclus in return da quels – quai ord raschuns da segirezza.
RTR novitads 09:00