Ruinaulta - Sut Flem hai brischà

Sut Flem hai brischà oz baud la damaun en il territori da Conn. Curt avant las tschintg saja l'annunzia vegnida, ch'i brischia en la vischinanza da la plattafurma panoramica, communitgescha la Polizia chantunala.

Ils pumpiers da Flem e Trin, sustegnids d'in helicopter hajan pudì stizzar il fieu, per part en territori stip. Il fieu ha tschiffà ina surfatscha da 40 sin 80 meters.