La segunda unda da la retschertga è a fin. La proxima vegn a vegnir fatga il 2025. Grazia fitg per avair regalà Voss temp!
Passa 57'000 persunas èn sa participadas l' onn 2023 a l'emprima unda da la gronda retschertga da la SRG SSR davart il sa sentir tar la populaziun svizra.
Ussa – in onn pli tard – è il mund sa midà in pau: la CS è istorgia. La crisa da corona era. Persuenter scurlatta in'ulteriura guerra dal Proxim Orient il mund. Perquai vulain nus puspè savair, tge che fatschenta Vus en Voss mintgadi, tge che Vus pensais da las grondas dumondas da noss temp e co che Vus guardais en l'avegnir per la finala arrivar ad in maletg uschè precis sco pussaivel da co ch'i va actualmain cun las persunas en il pajais e cun las Svizras ed ils Svizzers a l'ester.
Qua pudais Vus participar a la gronda retschertga da la SRG
La retschertga e averta fin ils 16 da zercladur 2024. Realisada e valitada vegn ella da l'institut da perscrutaziun GFS Berna per incumbensa da la SRG SSR. La participaziun a la retschertga è anonima. Vossas respostas vegnan tractadas da moda confidenziala.