- La SBB negoziescha cun las viafiers dals pajais vischins per minimar ils retards.
- Be trens da la Frantscha na fan betg quitads.
Las Viafiers federalas svizras vulan far frunt a retards da l’exteriur. Trens internaziunals arrivian savens cun retard en Svizra e pericliteschian uschia las colliaziuns. Sulettamain ils trens da la Frantscha na fetschian nagins quitads. Sco la «Sonntagszeitung» scriva, negozieschia la SBB actualmain cun las viafiers da la Germania, l’Italia e da l’Austria davart mesiras.
Pliras ideas
Per exempel examineschia la SBB l’opziun ch’il trens a Milaun partian pli baud per uschia avair dapli reservas. Er na duajan trens da Minca betg pli cumparair activamain en l’urari online e be pli servir per sortir a Son Gagl e betg pli per entrar. Cun quai duajan ils passagiers far diever d'autras colliaziuns per in transport aifer la Svizra.
Or da l'archiv
