Ils helicopters da salvament da la Rega èn stads savens en acziun sur ils dis da festa dals 24 enfin ils 26 da december, scriva l'interpresa. Passa 110 acziuns da salvament haja dà en Svizra.
Marcantamain dapli ch'anc l'onns passà
Cumpareglià cun ils dis da festa da l'onn passà sajan quai 85% dapli sgols, scriva la Rega. Quai saja probabel d'attribuir a la bell'aura da quest onn, l'onn passà eran ils dis da festa stads grischs. Ils blers sgols han ils helicopters fatg il di da Son Steffen, en tut 60. La mesadad dals salvaments èn stads en connex cun accidents da sport d'enviern.
Er a l'exteriur è la Rega stada dumandada: uschia sajan jets d'ambulanza sgulads en l'Africa dal Sid, Irlanda e Mexico.
Or da l'archiv:
Er en Grischun datti basas da la Rega, ina da quellas è a Samedan en l'Engiadin'Ota.