En centers federals per requirents d’asil na vegnan dretgs da requirents d’asil betg violads sistematicamain. A questa conclusiun vegn in rapport extern davart la situaziun en ils centers.
Malgrà quai datti potenzial da meglieraziun scriva il Secretariat da stadi per la migraziun SEM. En singuls cas han ins numnadamain constatà che servetschs da segirezza hajan reagì a moda exagerada e forsa era illegala a situaziuns da conflict. En sis cas hai dà ina inquisiziun penala.