La Confederaziun vul reducir il stress ed il patir d'animals tar la meztga. Cunzunt duai dar midadas tar las metodas da narcosa per evitar ch'ils animals hajan mal u tema e pateschian. Ils davos onns avev'ins adina puspè udì da situaziuns nunpussaivlas en chasas da maz.
Surtut il mazzar portgs a moda electrica era vegnì crititgà. Qua vul la Confederaziun uss fixar cleramain, tge reglas che duain valair e tge fermezza d'electricitad ch'è necessaria. Plinavant duai en l'avegnir er dar reglas per il mazzar da peschs e giombers.
L'ordinaziun che duai manar a meglras cundiziuns da maz per animals en Svizra va uss en consultaziun.
Ord l'archiv:
video
Meztgas sin il bain e da pastgira èn bainbaud puspè pussaivlas
Or da Telesguard dals 30.01.2020.
laschar ir. Durada: 3 minutas 15 Secundas.