Il Premi Wakker va quest onn en l’aglomeraziun da Basilea. Là ha la Lia svizra per la protecziun da la patria onurà la «Uniun Birsstadt». En quell’uniun èn 10 vischnancas s’unidas. Ellas collavureschian cun success e quai sur cunfins communals e chantunals, sco i resulta da la communicaziun.
Per exempel haja l’Uniun Birsstadt quità da l’ierta culturala da bajegiar e s’engaschia per il territori per lung dal flum Birs. E vitiers haja l'uniun realisà cun il Birspark in spazi da la cuntrada senza luccas, che cumbineschia la protecziun da la natira cun il diever per il temp liber ed ils basegns dal traffic.
La Lia svizra per la protecziun da la patria surdat mintg’onn il Premi Wakker. Quel è dotà cun 20'000 francs. Il Grischun ha survegnì l'ultima giada il 2018 il Premi Wakker, numnadamain la «nova fundaziun Origen» a Riom.