L'artista Linda Semadeni, creschida si a Berna ed a Ftan, retschaiva il premi d'art Manor 2023. Quai ha la giuria decis. L'artista da 37 onns che viva e lavura uss a Turitg survegn uschia tranter auter in'exposiziun persunala en la Chasa d'art a Cuira ed ina summa da 15'000 francs. Linda Semadeni sa fatschentia cunzunt cun moviment e corp cun agid da differentas tecnicas.
Il premi d'art Manor ch'ha quest onn ses 40avel giubileum è ina da las pli impurtantas distincziuns per art contemporan en Svizra. En set chantuns vegnan artistas ed artists undrads mintg'onn cun quest premi.