La posta è obligada da distribuir las gasettas dal di fin da mezdi a las 12 e mesa. Questa limita vul il schef da la posta Roberto Cirillo stritgar. Bleras persunas na sajan betg pli a chasa sur mezdi ozendi uschia ch'i na gioghia nagina rolla cura ch'ins metta las gasettas en la casta da brev, ha el ditg en in'intervista cun il Blick.
La posta stoppia avair la libertad da sa drizzar als basegns da las clientas e clients, ha el ditg vinavant. Per exempel giavischan adina daplirs in servetsch digital per brevs che vegnan acceptads sco ina brev recumandada.
audio
Per tadlar: las novitads da las 08:00
ord RTR Audio dals 20.09.2023.
laschar ir. Durada: 3 minutas 19 Secundas.