Il 2024 ha la Svizra cuntanschì la marca da 9 milliuns abitantas ed abitants. La Confederaziun vegn vesida sco in dals pajais che vegn a surmuntar detg bain il «passadi demografic», in fenomen che chaschuna – cun la diminuziun da la mortalitad e cun la prolungaziun da l’aspectativa da vita sco era la reducziun da naschientschas – in «vegnir pli vegl» da la populaziun che favurisescha a lunga vista in regress da la populaziun. Quai grazia a l'immigraziun.
I dat però differenzas tranter ils chantuns
Tenor il masaun da trais scenaris da l’Uffizi federal da statistica vegn la Confederaziun ad avair il 2050 10.4 milliuns abitantas ed abitants. Quai correspunda ad in augment da bunamain 1.9 milliuns en cumparegliaziun cun il stadi actual da l’onn 2019 (+21.73%). En 11 chantuns prognostitgescha l’UST in augment sur la media: En ils chantuns sco Turitg, Vad, Genevra u en l'aglomeraziun da Turitg sco Zug ed Argovia vegn la populaziun a crescher per passa 30%. En ina Svizra che crescha svelt perdessan dus chantuns a l'autra fin da la scala abitantas ed abitants: il Tessin (da 353'000 sin 336'000, -4.77%) ed il Grischun (da 198'000 sin 191'000, -3.49%).
Ina raschun per quai è la rata da naschientschas ch'è en il Grischun pli pitschna che la media.
Ubain simpel pudess ins dir: En il Grischun moran dapli persunas che quai ch'i dat naschientschas. Uschia sa chatta il Grischun a lunga vista en in process da digren tenor l'Uffizi federal da statistica.
Bler dapli infurmaziuns ed ina vista pli pitgiva sin il Tessin chattais en l'artitgel original sin rsi.ch