Entant ha il chantun Genevra retratg sia decisiun da serrar tut ils plazzals. La regenza da Genevra ha adattà sias reglas a l'ordinaziun dal Cussegl federal. Interpresas da construcziun ston dentant far ina dumonda per puspè prender en funcziun plazzals e resguardar cundiziuns severas.
En il chantun Tessin percunter valan las mesiras en vista al coronavirus vinavant. Uschia restan blers manaschis industrials serrads. Sco la regenza tessinaisa ha scrit ier saira beneventan els dentant la voluntad dal Cussegl federal da chattar ensemen cun els ins schliaziun.
Il glindesdi aveva Martin Dummermuth da l'Uffizi federal da giustia prendì posiziun davart las novas reglas ch'il chantun Tessin ha decis areguard la branscha da construcziun. Tenor el cuntrafetschian questas reglas dal chantun Tessin al dretg federal.
