Il fanadur saja vegnì tancà en Svizra 15% damain benzin e diesel cumpareglià cun la media dals davos 5 onns. Tancadis da manaivel dal cunfin han per part stuì registrar enfin 60% damain svieuta. Pendularis han tancà en lur pajais e turists vers il sid n'han betg fatg in stop da tancar en Svizra.
La crisa d'energia ha auz ils pretschs d'ieli en l'Europa e chaschunà in augment dals pretschs da tancar. La Frantscha, la Germania e l'Italia han introducì rabats da tancar. Cun excepziun da la Germania valan quels rabats anc adina, e tancar restà pli bunmartgà en quels pajais vischinants.
