Interpresas cun sedia en Svizra duain respectar ils dretgs umans e la protecziun dal clima er da lur fatschentas en l’exteriur.
Il Cussegl federal recumonda da refusar l'iniziativa. En il parlament a Berna hai dà grondas discussiuns e la finala è vegnì sviluppà ina cuntraproposta indirecta.
Tar las posiziuns uffizialas da las partidas na datti betg in cler muster: La sanestra (PS, Verds e Verd-liberals) din Gea - dentant era la BPD. Las ulteriuras partidas burgaisas (PPS, PLD, PCD) refusan l'iniziativa.
Differenzas grischunas
Che l'iniziativa per concerns responsabels sparta la politica burgaisa, mussa il fatg che duas partidas grischunas n'han betg la medema opiniun sco lur partidas mamma:
- La PBD dal Grischun refusa l'iniziativa.
- La PCD dal Grischun ha decidì da dar liber la vusch per questa votaziun.
Sin in clic tut las fatschentas federalas e communalas.