La Genevrina Lisa Mazzone è la nova presidenta da la partida dals verds svizra. Quai ha annunzià la partida via medias socialas. Mazzone succeda a Balthasar Glättli, ch'è sa retratg suenter esser stà president dals verds ils 4 onns passads. L'anteriura cussegliera naziunala e cussegliera dals chantuns è stada l'unica candidata per la successiun da Glättli.
Mazzone è stada cussegliera naziunala dal 2015 fin il 2019 , dal 2019 fin il 2023 ha ella represchentà il chantun Genevra en il cussegl dals chantuns. L'atun passà n'è ella betg pli vegnida reelegida.