Da la dieta tradiziunala d’Albisgüetli han divers represchentants da la PPS suttastritgà quant impurtantas che las elecziuns federalas da quest atun sajan. Ils temas principals da la dieta èn stads l’independenza economica da la Svizra e la segirezza da provediment – uschia er per il cusseglier federal Albert Rösti:
Christoph Blocher ha discurrì da privels da l'intern ed extern per las valurs centralas da la Svizra. La PPS stoppia gudagnar las elecziuns dal 2023 per manar il pajais or da la «via tschorva». Fatg part da la dieta han radund 1'000 persunas. Betg da la partida è stà il president da la Confederaziun Alain Berset che la PPS aveva er envidà.
