Il cusseglier naziunal turitgais Alfred Heer è fin uss il sulet candidat uffizial per il presidi da la Partida populara svizra. En la «Samstagsrundschau» ha Heer ditg ch’i na saja betg sia finamira primara da vegnir president da la PPS. La partida chantunala haja annunzià el. Quai natiralmain cun ses consentiment.
L'uffizi sco president na saja betg insatge ch'el tschertgia, ad el giaja per affruntar las grondas sfidas da la Svizra. Quai saja tranter auter er il cumbat cunter ina cunvegna da basa cun l'UE.
Fin glindesdi pon las partidas chantunalas anc annunziar interessents per il presidi da la partida.
Ils delegads da la Partida populara svizra elegian lura la fin da mars la successura u il successur dad Albert Rösti che sa retira da ses uffizi.
RTR novitads 12:00