Sch'i va per exportar material da guerra, survegn il Cussegl federal dapli spazi d'agir. En l'avegnir po el guntgir en cas excepziunals las restricziuns d'enfin qua.
Suenter il Cussegl dals chantuns ha er il Cussegl naziunal decidì uschia. Resistenza han fatg la Partida socialdemocratica, la Partida verda e la verd-liberala.
La maioritad burgaisa e da dretga ha fatg valair ch'il Cussegl federal dovria dapli libertads pervia d'ina nova situaziun geopolitica.
Las restricziuns enfin uss prevesan
- che l'export en pajais cun conflicts e scumandà, quai pon esser conflicts interns u cun auters pajais
- ch'il pajais che survegn las armas na violescha betg ils dretgs umanitars grevamain e sistematicamain
La Gruppa per ina Svizra senza armada, la GSoA, ha gia annunzià da lantschar il referendum.
