Panna tar Viafiers federalas - Tren è stà fermà pliras uras en il tunnel dal Gottard
In tren da la SBB è stà fermà oz da mezdi en il tunnel da basa dal Gottard. Quai han communitgà las Viafiers federalas svizras. Il tren dal tip Giruno avess stuì rivar a las 13:15 a Bellinzona. Curt suenter las 13:00 uras è el dentant restà fermà en il tunnel da l'ost.
En il tren sajan stads radund 800 passagiers. Els hajan pliras uras stuì tegnair la dira en il tren, avant ch’in auter tren haja transportà els ord il tunnel. Il traffic da trens saja stà bloccà pliras uras.
La raschun da la panna saja stà in disturbi da la lingia electrica. Actualmain sajan ins vid far reparaturas. Quant ditg che quai cuzza na saja anc betg cler. Fin là vegnia mo in binari dal tunnel duvrà. Perquai possia dar retards da var 10 minutas.
