En l'ovra atomara Mühleberg na sa chattan nagins elements d'arder pli. Tut ils 418 tocs ord diever èn entant vegnids transportads en il deposit temporar da Würenlingen. Avant èn els vegnids sfradentads en in batschigl da sfradentar.
Senza quels elements n'existia nagin privel nuclear pli. Uss po la secunda fasa da serrar l'ovra cumenzar, ed ulterirura radioactivitad vegnir dustada. Il 2034 possia la localitad puspè vegnir nizzegiada.
L'ovra da Mühleberg era vegnida prendida davent da la rait il december 2019. Ella è l'emprima che vegn serrada en Svizra.