Manaschis d'alps survegnan ulteriurs daners sch'els protegian lur muntaneras encunter il luf. Il Cussegl federal ha mess en vigur in'ordinaziun correspundenta per il 2024.
A partir da l'autra stad datti contribuziuns da protecziun per nursas, chauras e per vadels e biffels da l'aua da fin in onn.
Duas ulteriuras ordinaziuns pertutgan la sperdita da fosfor e nitrogen. Las perditas da nitrogen ston vegnir reducidas per 15% fin il 2030, las perditas da fosfor per 20%. Il Cussegl federal ordinescha quai sin pretaisas dal parlament.
Midadas tar ils pajaments directs
Per onn sto la Confederaziun spargnar 55 milliuns francs tar ils credits per pajaments directs. Perquai vegnan ils pajaments directs reducì per 2,2% il 2024 e 2025. Las reducziuns sajan linearas, lascha il Cussegl federal savair.
Sut tschertas cundiziuns pon ins survegnir pajaments directs pervia da panels fotovoltaics. La surfatscha cun indrizs fotovoltaics cun obligaziun da concessiun tutgan da nov tar il terren agricul.