Ina allianza dad organisaziuns pro-europeicas en Svizra vul francar la collavuraziun europeica activa en la constituziun ed uschia cuntanscher ina decisiun da princip da la populaziun e dals chantuns. Ils 2 d'avrigl cumenza la rimnada da suttascripziuns per l'uschenumnada «Iniziativa Europa».
Sche l'iniziativa vegn davant il pievel e la populaziun di Gea, lura stuess il Cussegl federal concluder uschè spert sco pussaivel ils contracts cun l'Uniun europeica e lura preschentar il resultat al parlament entaifer in onn. Tar questa uschenumnada allianza d'Europa tutgan tranter auter la Partida verda e l'operaziun Libero.