Las iniziantas ed ils iniziants ch'han fatg naufragi cun lur iniziativa cunter experiments d'animals l'onn passà na laschan betg luc. Oz è vegnida lantschada ina nova ediziun che pretenda medemamain in scumond absolut da far experiments cun animals en Svira. Il text d'inizativa saja questa giada però in bun tant pli moderà. Uschia hai num en la communicaziun.
Cumpareglià cun l'ultima giada desistia la nova iniziativa d'in scumond d'experiments cun umans e d'in scumond d'imports da rauba ch'è vegnida testada cun experiments cun animals. Il favrer da l'onn passà aveva il suveran refusà l'iniziativa cun bun 79%.
