La Svizra duai schluccar las reglas per furniziuns d’armas en regiuns da conflict. Plinavant duaja ella collavurar pli stretg cun l’Uniun europeica e la Nato. Quai resorta dal sboz per il rapport da neutralitad dal Departament federal d’affars exteriurs. Quai scriva la «SonntagsZeitung» ch’ha gì invista en il rapport. Quest rapport formuleschia per l'emprima giada concret tge che la «neutralitad cooperativa» munta, ch'Ignazio Cassis, minister per l'exteriur, vul. Senza collavuraziun na saja strusch pli pussibel da garantir la segirezza dal pajais. Ils partenaris internaziunals da la Svizra na chapeschian betg sche Svizra na fetschia nagut, e far tut persul flaivlentass l'armada e custass fitg bler. La guerra en l’Ucraina accelereschia il pass en ina nova epoca.
cuntegn
Neutralitad cooperativa La Svizra duai lavurar ensemen pli stretg cun UE e NATO
Parter
audio
ord RTR Audio dals 17.07.2022.
laschar ir. Durada: 1 minuta 2 Secundas.
Per tadlar: curt e cumpact
RTR novitads 11:00
Parter