Il Departament federal d’affars exteriurs ha declerà tge che la «neutralitad cooperativa» vul dir – ina noziun ch’el dovra dapi il matg. Quai rapporta il «SonntagsBlick». Tenor il sboz dal rapport davart la neutralitad saja la «neutralitad cooperativa» in svilup dal status quo. L’export da material da guerra a partidas da conflict resta vinavant scumandà.
Dapli libertads d'agir per il Cussegl federal
En auters secturs concedia quella però dapli spazi d’agir al Cussegl federal. Per exempel duai la Svizra desister d’in scumonda da reexportar, sch’ella haja exportà tal material a stadis partenaris. Uschia pudessan quels numnadamain furnir material da guerra ord la Svizra en l’Ucraina. Plinavant lubiss la “neutralitad cooperativa” a la Svizra da sa coordinar meglier cun l’Uniun europeica e la Nato.