- En las vischnancas dal Vallais sura Zwischbergen e Simplon èn vegnids chattads baus dal Giapun.
- Las autoritads han instradà mesiras per zavrar ora il parasit.
- Il fanadur è il bau sa mussà l'emprima giada al nord da las Alps. Quai a Kloten (ZH).
Il chantun ha instradà immediat mesiras d'extirpar els en las vischnancas da Zwischbergen e Simplon. Ins stoppia impedir ch'il bau dal Giapun sa derasa.
Il Vallais è suenter il Tessin, Soloturn e Turitg il quart chantun cun in cas cumprovà dal bau dal Giapun. En il Tessin è el preschent dapi l’onn 2017. L’emprima populaziun en il nord da las Alps è vegnida scuverta il fanadur a Kloten.
«Probabel èn ils insects entrads independentamain da l'Italia dal Nord», scriva il chantun Vallais en ina communicaziun.
Donns per la flora
Baus creschids ora pon chaschunar gronds donns. Els maglian figlia, flurs e fritgs da differentas plantas. Tranter auter mailers ed er vignas. Las larvas sa nutreschan da las ragischs da differentas ervas, l'entir sistem ecologic vegn scumbiglià.
Igl è obligatoric dad annunziar sch'ins vesa uschè in bau en Svizra ed en l'Uniun europeica, sco er da cumbatter quel. Il bau sa derasa numnadamain spert.
Or da l'archiv:
