En il chantun Tessin datti in ulteriur cas confermà da la mutaziun dal coronavirus che deriva da l’Africa dal Sid. La persuna testada positiv sa chatta en isolaziun. Quai ha communitgà il departament chantunal da sanadad. I sa tracta dal terz cas da mutaziun en Svizra.
Il BAG ha da Silvester annunzià 4'391 novas infecziuns. Uschia è la media da 7 dis tar 3'334. Quai èn 19% damain che l'emna avant. 77 persunas en mortas.
Duas persunas giuvnas èn mortas
Ultra da quai èn in uffant ed ina persuna giuvna morts il december pervi dal coronavirus. L’Uffizi federal da sanadad ha confermà in rapport da «20 minutas». Dapli indicaziuns n’ha il BAG betg fatg.
