Il concern d’assicuranzas Zurich ha fatg damain gudogn l’onn passà. Cumpareglià cun il 2021 saja quel sa reducì per 12% sin 4,6 milliardas dollars. Quai ha communitgà il concern svizzer. La vendita da tschertas partiziuns da manaschi, renditas dal chapital pli pitschnas e perditas en connex cun l’inflaziun hajan reducì il gudogn dal concern – quai surtut en l’America Latina.
En la fatschenta principala, pia l’assicuranza da donns e d’accidents, ha il concern lavurà a moda rentabla, e quai malgrà catastrofas da la natira charas, sco per exempel il hurican «Ian». Perquai duajan ils acziunaris er profitar d’ina dividenda da 24 francs, pia dus francs dapli che l’onn avant.